Þingmaður uppvís að fáfræði og ósannindum?

Þingmaðurinn Rósa Björk Brynjólfsdóttir, sem upphaflega var kosin á þing fyrir kommúnistaflokkinn Vinstri græn, hefur orðið uppvís af fáfræði og ósannindum ef marka má umsögn réttartannlækna um frumvarp sem hún hefur lagt fram á Alþingi þar sem mælt er fyrir um bann við aldursgreiningum með líkamsrannsókn. Frumvarpið gerir ráð fyrir að í staðinn verði gert heildstætt mat félagsráðgjafa og sálfræðings sem virðast eiga að komast að niðurstöðu um aldur viðkomandi. 

Að mati réttartannlæknanna um frumvarpið mun það einungis auðvelda hælisleitendum að ljúga til um aldur sinn en slíkt hefur gerst áður hér á landi að fúlskeggjaðir fullorðnir karlmenn hafa sagst vera börn og eigi að njóta verndar sem slík. Alþjóðahyggjusinnar, oft kallað „góða fólkið“ eða „ybbar“ og krefjast þess að allir sem hingað koma fái hæli, berjast mjög kröftuglega gegn vísindalegum könnunum á því hvort hælisleitendur sem segjast vera börn séu það í raun. Í umsögn sinni segja réttartannlæknarnir.

„Frumvarpið mun ekki bæta rétt barna heldur auðvelda fullorðnum að smeygja sér í raðir barna til að njóta réttarverndar sem börnum eiga að vera tryggð. Með órökstuddum dylgjum og röngum tilvísunum er reynt að grafa undan þeirri aðferðafræði sem best tryggir börnum rétt sinn og langflest lönd Evrópu fylgja,“ segja þau Svend Richter Sigríður Rósa Víðisdóttir, Guðlaugur J. Jóhannsson og Sonja Rut Jónsdóttir sem jafnfram eru kennarar við tannlæknadeild Háskóla Íslands.

Þingmaðurinn uppvís að blekkingum og ósannindum?

Þau vísa líka algjörlega á bug að Evrópuráðið, Evrópuráðsþingið og ráðherranefnd Evrópuráðsins hafi lagst gegn aldursgreiningu á tönnum og kalla þá fullyrðingu þingmannsins „skálduð.“ Þvert á móti styðjist flest lönd Evrópu við þessa vísindalegu aðferð til að kanna aldur hælisleitenda.

Ætti þingmaðurinn ekki að segja af sér?

Það er ekki oft sem blekkingar, dylgjur og ósannindi eru afhjúpuð í frumvarpi til laga. Rósu Björk má skilgreina sem öfgamanneskju til vinstri og spyrja margir hvort hún ætti ekki, eftir þessar afhjúpanir sérfræðingana um tilraun til blekkja Alþingi, að segja af sér sem þingmaður.

Share on facebook
Share on twitter
Share on linkedin
Share on telegram

Aðrar Fréttir