Hverjir ráða WHO

Sigurður Bjarnason skrifar:

Alþjóðaheilbrigðismálastofnunin (WHO), sem er stofnun innan Sameinuðu Þjóðanna, er ekki það sem hún á að vera. WHO er ekki lengur eingöngu þjóðarbandalag, stofnunin hefur selt sálu sína til einkaaðila. Það land sem lagði mest fé til WHO árin 2018 og 2019 voru Bandaríkin með 21,45% af öllum framlögum. Bill Gates ásamt fyrirtækinu Gavi (sem hann stofnaði og stjórnar) var með 21,67%, s.s. örlítið meira framlag heldur en Bandaríkin og var stærsti styrktaraðili þessi ár, ef hann og fyrirtæki hans eru talin saman. Ef framlag einkaaðila eru tekin saman á þessum tveimur árum þá er framlag þeirra 30,89%.  Hlutfall styrktaraðila milli ára getur verið breytilegt. Sem dæmi þá var framlag allra aðildarþjóða árið 2017 til WHO 1,06 Milljarðar dollarar, en framlag einkaaðila þetta sama ár var 1,08 Milljarðar dollar. Komu því einkaaðilar með meira en helming alls styrktarfés árið 2017. Stofnunin hefur hvorki afl né vilja til að geta hafnað framlagi frá einkaaðilum og eins og gengur og gerist í heimi viðskipta, þá verða þeir að fá eitthvað fyrir sinn snúð. Það er útilokað annað en að líta á WHO sem gróðrastofnun. Öll einkafyrirtæki ganga út á að hámarka hagnað sinn og kemur það heilsu fólks ekkert við, þó stundum eigi það samleið.


Bill Gates
og
Margaret Chan

Framlag Bill Gates til WHO er það mikilvægt að hann er meðhöndlaður eins og þjóðarleiðtogi og fékk að halda sína fyrstu ræðu með þeim í Genf í Sviss árið 2005. Hann gulltryggði sæti sitt innan stofnunarinnar í tíð Margaretar Chan sem var yfirmaður stofnunarinnar á árunum 2007 til 2017. Hann er sagður hafa stutt Tedros Adhanom Ghebreyesus sem arftaka hennar og þess vegna er hann í þessari stöðu í dag. Tedros á mjög svo vafasama fortíð úr heimalandi sínu. Hann er hvorki doktor í lækningum né lyfjum, hann er örverufræðingur og eru margir óánægðir með hann í þessari stöðu. Hann er í raun ekkert annað en peð einkaframtaksins. Framlag Bill Gates er það mikið að sumir innan WHO hafa kallað hann „hinn öflugasta lækni í heiminum“. En ólíkt pólitísku fólki sem alltaf er hægt að skipta út, þá er það ekki svo með Bill Gates, hann ræður sér sjálfur og þarf ekki að svara neinum, nema þá kannski viðskiptafélögum.


ID2020 leiðtogafundurinn, 20. maí árið 2016, á skrifstofu Sameinuðu þjóðanna
(með samstarfsfélögum)

Hvað Gates vill fá fer ekki hátt um í opinberum umræðum en menn hafa samt leitt hugan að allsherjar bólusetningum með skipun frá WHO, sem væri þá bein söluaukning fyrir lyfjafyrirtækin. Líka hafa verið haldnir fundir eins og t.d. ID2020 hjá SÞ þar sem rætt var um þann möguleika að setja örflögur í einstaklinga til að geta fylgst með þeim, en orðrómur er um að Bill Gates sé búinn að hanna slíkt og kominn með einkaleyfi (patent no: WO2020-060606A1).

Hinn ósýnilega örflaga „Quantum Dot Tattoo“

Alltaf virðist það fólk vera til sem hefur óþjótandi áhuga á að fylgjast með öðrum og er þá ekki verið að tala um íþróttir. Það eru komnar myndavélar út um allt, talað er um að taka peningaseðla úr umferð svo hægt sé að fylgjast með bankahreyfingum allra og nú er vilji til þess að setja örflögu í fólk til að fylgjast með ferðum þeirra. Tilgangurinn með örflögunni er sagður vera til að geta fylgst með hverjir hafa fengið mótefni fyrir Covid-19, en möguleikarnir eru miklu fleirri en það. Hún er kölluð hið ósýnilega húðflúr „Quantum Dot Tattoo“ þar sem flagan á að hverfa undir húðina og á ekki að sjást eftir það. Það má segja með sanni að með myndavélum út um allt, seðlalausum heimi og flögum í handlegg, sé algjörlega búið að toppa gömlu Sovétríkin hvað varðar eftirlit með einstaklingnum sem og fyrirtækjum. Gamli kommúnisminn er sprelllifandi í vestrænu löndunum.

Það að WHO sé einkarekin stofnun og að Tedros, forstöðumaður stofnunarinnar og handbendi Bill Gates, hafi vitað af Covid-19 alveg frá upphafi án þess að láta nokkurn þjóðarleiðtoga vita (eftir bestu vitund), þá var það ástæða þess að Trump og Bandaríkjastjórn ákváðu að rannsaka málið. Bandaríkjamenn eru að borga hátt í hálfan Milljarð dollar á ári í þessa stofnun, sem svo hugsanlega vinnur ekki með hagsmuni þeirra í huga, og munar þá um fé minna í þeim hremmingum sem ganga yfir. Allar greiðslur til WHO frá Bandaríkjunum hafa því verið stöðvar.

Af einhverri ástæðu snerti þetta íslenska ríkið. En það er ekki enn vitað með vissu hvernig utanríkisráðherra Íslands ætlaði að redda þessum málum eða hvernig hann ætlaði að tala Bandaríkjamenn til. Þetta er trúlega bæði flóknara og dýrara en Ísland ræður við og ætti því ekki að skipta sér af svona stríði. Svo fór sem fór að skammir og tiltal Guðlaugs Þórs utanríkisráðherra virkuðu ekki, ekki frekar en að opna flugleiðina aftur milli landanna tveggja í miðjum Covid-19 faraldrinum, og aldrei þessu vant, þá vona menn nú að aldrei sé svo djúpur viskubrunnur að ei verði þurr upp ausinn.

Að Alþjóðaheilbrigðismálastofnun Sameinuðu Þjóðanna sé einkarekin er jafn vafasamt og þegar múslimar stjórnuðu kynjajafnrétti hjá sömu stofnun.
Ætlar íslenska ríkið að framfylgja skipunum frá þessari stofnun í framtíðinni?

Deildar skoðanir eru um það hvort Bill Gates sé kristinn maður. Merki kölska kemur fram í biblíunni sem virðist koma heim og saman við þessa örflögu og þykir það ólíklegt að kristinn maður skuli því standa fyrir svona löguðu. En það er ekki bara Bill Gates, heldur hafa þær þjóðir sem eiga sæti í Alþjóðaheilbrigðismálastofnunni tekið vel undir þetta líka. En dæmi hver fyrir sig.

Aðrar Fréttir

Share on facebook
Facebook
Share on google
Google+
Share on twitter
Twitter
Share on linkedin
LinkedIn