Alexandra Briem forseti borgarstjórnar hefur verið ákaflega hissa á því að það séu ekki mörg snjóruðningstæki að ryðja á götum borgarinnar. Borgin reiðir sig á verktaka smáa sem stór til að sjá um snjómokstur.
Ófærðin sem hefur verið í borginni undanfarið hefur valdið úlfúð meðal borgarbúa og stólpa grín hefur verið gert að skipulagsleysinu í stjórnkerfi borgarinnar sem reyndar er engin nýlunda.
Verktaki sem hefur séð um snjómokstur fyrir borgina hringdi inn á bylgjuna og útskýrði hversvegna svo fáir sjálfstæðir verktakar brugðust kalli borgarinnar að koma og ryðja þegar allt snjóaði á bólakaf.
Ástæðan er að litlir verktakar hafa slæma reynslu af því að sjá um snjóruðning fyrir borgaryfirvöld. Borgin greiðir enga reikninga á réttum tíma og sé sendur reikningur í janúar fæst hann líklega greiddur í mars eða apríl og þá helst eftir að reikningurinn hefur verið settur í innheimtu. Þá er borgin svo ósvífin að þá er reikningurinn greiddur en á vaxta og kostnaðar. Fæstir reyna að ná inn vöxtum og kostnaði því þá má búast við að fá ekki frekari verk á vegum borgarinnar.
Því er svo komið að margir verktakar eru einfaldlega hættir að vinna fyrir borgaryfirvöld.
