Fjöldi innlagðra sjúklinga með kórónaveiruna eykst 12. daginn í röð: Ný útskrifaðir hjúkrunarfræðingar nauðugir á kórónadeild

723 manns liggja nú á sjúkrahúsi í Danmörku vegna kórónaveirunnar. Þetta er hæsta talan í faraldrinum og það er 12. dagurinn í röð sem fjöldinn hækkar. 83 sjúklinganna eru svo veikir að þeir eru lagðir inn á gjörgæsludeild, þar af 48 í öndunarvél. 

– Við verðum að búast við að sjúkrahúsinnlagnir muni halda áfram að aukast, að minnsta kosti um jólin. Svo já, við erum undir þrýstingi á sjúkrahúsunum, en ekki meira en við getum gert almennilega, segir Kasper Iversen, sem er yfirlæknir á Herlev-Gentofte sjúkrahúsinu.

Ný útskrifaðir settir nauðugir á kórónadeild

Í síðustu viku átti nýútskrifaði hjúkrunarfræðingurinn Nicoline Sjøberg sinn fyrsta starfsdag á Rigshospitalet í Kaupmannahöfn.

Aðeins þremur dögum seinna var henni sagt að hún yrði nú að vera hluti af teymi sem annaðist bara kórónasjúklinga og var undir miklu álagi.

Þetta er nauðungarverk sem mér er sett að ofan, og það er ekki verkefni sem hún telur sig á nokkurn hátt vera í stakk búin til, segir hún við fréttavef DR.

– Ég vil endilega hjálpa en ég hef ekki hæfileikana. Ég get ekki meðhöndlað fólk með súrefni ef ég veit ekki hvernig súrefnistækið virkar. Ég veit ekki hvar lyfjaskápurinn er og er ekki viss um að ég geti skammtað lyfið rétt.

– Ég veit reyndar ekki einu sinni hvernig ég á að setja á mig þennan hlífðarbúnað sem verndar mig frá því að veikjast, bætir hún við.

Share on facebook
Share on twitter
Share on linkedin
Share on telegram

AÐRAR FRÉTTIR