Dæmigert fyrir íslenska ráðamenn og RÚV spilar með? Eins og álfar út úr hól?

Evrópusambandið hefur lagt til að Schengen verði lagt niður, tímabundið að minnsta kosti.

Það hefur verið mjög gagnrýnt hér á landi hvað íslensk stjórnvöld hafa verið treg að loka eða takmarka flugumferð hingað til lands á meðan verið er að ná tökum á kórónaveirunni í heiminum. Eins og skinna.is hefur áður bent á virðist það hafa verið plan heilbrigðisyfirvalda að flytja inn smit hingað til lands til að vatna út veiruna og skapa „hjarðónæmi“ gegn veirunni.

Þessu hefur sóttvarnalæknir bæði játað og neitað í dag.

Landlæknir hefur lítið tjáð sig um þessar fullyrðingar.

Evrópuríki tekið ómakið af tvístígandi embættismönnum hér á landi

Svo virðist sem önnur Evrópuríki séu að taka ómakið af gunguhætti stjórnmálamanna og embættismanna hér á landi með að loka landinu. Ekki ætlar ritstjórnin að þreytast á því að minna á þingkonuna sem varaði við ástandinu ef ekki yrði lokað á innflutning á veirunni hingað til lands með flugi, sem virðist alltaf hafa verið plan heilbrigðisyfirvalda miðað við svör sóttvarnalæknis á fundi í dag.

Sú ágæta þingkona var boðuð í viðtal hjá RÚV þar sem reyna átti að snúa áhyggjum hennar upp í þjóðernisrembu! Það verður að segjast að það kemur ekki á óvart miðað við hvað fréttastofa RÚV hefur alltaf tekið afstöðu á móti þjóðinni í öllum stórum málum eins og til dæmis icesave.

Er ekki komin tími til að þjóðin taki afstöðu gegn RÚV og sjálftökuliðinu sem baðar sig í 7 milljörðum af skattfé okkar og auglýsingatekjum á ári? Og er í þokkabót allt undan hvert öðru og hefur minnstar áhyggjur af þjóðarhag, að margra áliti.

Ekki bætir úr skák að hafa fjórmenningarklíkuna og kommúnista við stjórn

Það bætir ekki úr skák að áliti ritstjórnar að fjórmenningarklíkan í Sjálfstæðisflokknum sé við stjórn landsins á þessum tímum hvað þá að kommúnistar séu hægri hönd þeirra.

Tveir krakkar á fundi í kvöld

Í kvöld 16. mars funda tveir krakkar í utanríkisráðuneytinu um hvort ætti að gera það sem löngu hefði átt að gera strax; takmarka eða loka fyrir flugumferð til landsins. 

Þeir funda um þetta í kvöld að kröfu ESB. 

Skælbrosandi glaseygður grillmeistari fór sem handhafi dómsmála til fundar við hrokafullan samflokksmann sinn sem heldur á embætti utanríkisráðherra. Krakkar.

Ritstjórn ætlar að spá því að tekin verði ákvörðun um að verða við fyrirskipun ESB, að loka landinu sem hefði átt að gera fyrir löngu síðan. Stundum er sagt um þá sem stjórna að þeir séu ekki í tengslum við lýðinn eða veruleikann vegna þess að þeir séu fæddir með silfurskeið í munninum. Eða eins og álfar út úr hól? En þegar fólk er alveg úr tengslum við lýðinn þá má spyrja hvort sú silfurskeið sé ekki frekar á kafi í einhverjum öðrum líkamshluta en munninum?

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Aðrar fréttir

Forsetar Íslands

Sveinn Björnsson Fyrsti forseti lýðveldisins, Sveinn Björnsson, var fæddur í Kaupmannahöfn 27. febrúar 1881 og lést hann 25. janúar árið 1952. Eiginkona hans var Georgia

Lesa meira »