Bóluefnið gegn kórónaveirunni er komið til Íslands. Sóttvarnarlæknir lýsir komu bóluefnisins sem langþráðum áfanga.
Flugvélin sem kom með bóluefnið frá Amsterdam í Hollandi um klukkan sjö í morgun er með 10 þúsund skammta af bóluefni frá Pfizer.
Bóluefninu verður dreift hér á landi af fyrirtækinu Distica sem hefur höfuðstöðvar sínar í Garðabæ.
Þar bíða heilbrigðisráðherra, sóttvarnalæknir, Víðir Reynisson yfirlögregluþjónn og landlæknir eftir komu bóluefnisins.
Reiknað er með að hefja bólusetningu strax á morgun og verða starfsmenn heilbrigðiskerfisins fyrstir í röðinni.
Mynd:Lögreglan
