Ungir hælisleitendur auðmýkja unga Svía: Þvingaðir til að kyssa fætur og drekka hland

Berlinske Tidende vitnar í sænska fjölmiðla í vægast sagt ömurlegri lýsingu á því hvernig ungmenni sem komið hafa til Svíþjóðar sem hælisleitendur eða flóttamenn koma fram við sænsk ungmenni. Dæmi eru tekin af því að ungir hælisleitendur sem fengið hafa landvist í Svíþjóð fari um í flokkum og ráðist margir saman á unga Svía sem eru einir á ferð. Eru þeir bæði rændir, barðir og allt tekið upp á vídeó. 

Blaðinu finnst málið svo hryllilegt að blaðamaðurinn sem fjallar um málið óskar eftir því að þeir sem hafi orðið fyrir þessu ofbeldi eða þekki einhvern sem hafi orðið fyrir ofbeldi af hálfu þessara hópa hælisleitenda, sendi sér póst með lýsingu á atburðum til frekari umfjöllunar.

Sem dæmi af þessu ofbeldi er að sænsku ungmenninn eru látin drekka hland, gleypa sígarettustubba og kyssa fætur ofbeldismannanna.

„Það sorglega er að þetta er ekkert nýtt á neinn hátt. En þetta er að færast í aukanna að ungir innflytjendur rotta sig saman í hóp og fara svo á eftir ungum Svíum sem eru einir á ferð, niðurlægja þá, beita þá langdregnu ofbeldi og eru með alvarlegar hótanir. Fórnarlömbin segja frá því að þau hafi verið svo hrædd um að þau væru að deyja, yrðu drepin. Svo er pissað upp í munninn á þeim og þau neydd til að kyngja sígarettustubbum,“ segir Carin Götblad yfirmaður í sænsku lögreglunni.

Ungur drengur sagði frá reynslu sinni í viðtali við Sænska ríkisútvarpið og var hún á svipaðan veg og vitnisburður annarra sænskra ungmenna. Árásarmenn hans kölluðu hann „djöfuls svía,“ og „hóru unga.“

Í innleggi við umfjöllun Gautaborgar Póstsins um málið segir lögreglufulltrúinn Anders Karlsson að vandamálið virðist bundið við hælisleitendur/innflytjendur og það beri að leysa með því að hætta að flytja inn fólk.

Umræður um fjölmenningu hafa blossað upp í kjölfarið þess að fleiri fjölmiðlar hafa fjallað um máið.

Fjölmenningar kúltúr á Íslandi?

Stutt er síðan fjallað var um ógeðslega hópárás á ungmenni í Hamraborg í Kópavogi. Eftir því sem faðir fórnarlambsins segir grunar hann að árásin á drenginn hafi verið gerð vegna þess að hann er útlendingur en íslensk ungmenni stóðu að henni samkvæmt fréttum.

Ef rétt reynist virka skuggahliðar fjölmenningar á báða bóga og mætti spyrja hvenær sama ástand fjölmenningar skapast hér á landi?

Löfven segir þetta skattalækkunum að kenna

Stefan Löfven forsætisráðherra úr Sósíaldemókrötum (systur flokkur Samfylkingar hér á landi) hefur blandað sér í umræðunna. Hann heldur því fram að þessi hegðun hafi ekkert með hælisleitendur eða innflytjendur að gera. Ástæðan séu skattalækkanir sem ríkisstjórn borgaralegu flokkanna stóð fyrir þegar þeir voru við völd. Málið hefur orðið vatn á millu Svíþjóðardemókrata, sem sumir kalla skynsamishyggjuflokk í málefnum hælisleitenda og innflytjenda, en aðir finna málflutningi þeirra allt til foráttu og saka þá um rasisma og hatursboðskap. Hvað sem því líður mælast Svíþjóðardemókratar stærsti stjórnmálaflokkur Svíþjóðar í dag.

MEST LESIÐ

AÐRAR FRÉTTIR