Það er víðar en á Íslandi sem þjófar ásælast flugelda en fréttir bárust í vikunni af þjófnaði á flugeldum í Þorlákshöfn að andvirði um þrjár milljónir króna.
23 ára maður hefur í morgun verið handtekinn Danmörku og ákærður fyrir að hafa stolið allt að tveimur tonnum af flugeldum af byggingarmarkaði í Holbæk.
Þetta segir lögreglan á Mið- og Vestur-Sjálandi.
Flugeldunum var stolið úr gámi í gærkvöldi og fundust síðar á eign á Gislinge svæðinu í Odsherred.
Sporakerfi eða þjófavörn var sett upp í flugeldasendingunni sem leiddi lögreglu beint á heimilisfang í Odsherred.
23 ára maður var handtekinn, en ekki er vitað hvort hann á sér meðseka.
