Segist frekar brenna leyfið sitt sem læknir en að taka þátt í ógeðslegum glæp

Elísabet Guðmundsdóttir sem hefur verið í fréttum undanfarið fyrir gagnrýni á harðar sóttvarnareglur og má á henni skilja að hún dragi í efa þá miklu hættu sem á að stafa af kórónaveirunni, segir í stöðu á fésbók að „…ég brenni leyfið mitt frekar en að taka þátt í þessum ógeðslega glæp og morðum á veiku fólki í nafni læknisfræðinnar.“

Þetta segir hún í framhaldi af umfjöllun sinni um lyfið Ivermectin sem hún segir að búið sé að sanna í yfir 30 vísindarannsóknum að lækni sjúklinga með kóvid-19.

Netverjar hafa verið að deila þessum pistli sín í milli. 

Margrét Fridriksdóttir deildi honum á stjórnmálaspjallinu og vitnar í Elísabetu: 

Elísabet Guðmundsdóttir læknir skrifar: 

Ivermectin

Ivermectin er lyf sem búið er að sanna í >30 vísindarannsóknum að lækni sjuklinga með covid-19.

Þeir sem deyja vegna Covid-19, deyja úr lungnabólgu. Lungnabólga er sýking í lungum af völdum bakteria eða sveppa. Covid-19 lungnabólgan er samkvæmt óteljandi vísindarannsóknum sem birst hafa undanfarið sýking vegna Aspergillus Flavus eða Aspergillus Niger (hitakærir myglusveppir).

Ivermectin læknar Covid-19 í nær 100% tilfella sé meðferð hafin nógu snemma.

Ekki nóg með það, því Ivermectin fyrirbyggir á Covid-19 í 100% tilfella, en gerðar hafa verið stórar samanburðarrannsóknir sem sanna þetta.

Ivermectin hefur verið notað í áratugi, er ódýrt og hefur nánast engar aukaverkanir. Þetta hljómar of gott til að vera satt, en ég lofa ykkur að þetta er sannleikur, hef sjálf lesið vísindarannsóknirnar og eins og alltaf þá segi ég ekki það sem ég held, ég segi eingöngu það sem ég veit að vel rannsökuðu máli.

Það er því hægt að koma í veg fyrir að viðkvæmir einstaklingar kafni vegna covid-19. Það viðgengst a Íslandi að láta gamalt fólk og sjúka kafna úr læknanlegri lungnabólgu!

Ég hef margsinnis bent kollegum mínum, læknum á þetta og sérstaklega Landlækni, sóttvarnarlækni og smitsjukdomalæknum. Það er mikil skömm af stéttinni sem ég var einusinni stolt af að tilheyra og ég held að ég brenni leyfið mitt frekar en að taka þátt í þessum ógeðslega glæp og morðum á veiku fólki í nafni læknisfræðinnar.

Share on facebook
Share on twitter
Share on linkedin
Share on telegram

Aðrar Fréttir