Efasemdir hafa risið um að rétt sé farið með að drengurinn Maní , sem er hér ásamt foreldrum sínum í hælisleit, sé í raun trans eins og samtökin NO BORDERS halda fram og lögfræðingur fjölskyldunnar Claudie Ashonine Wilson heldur einnig fram. Eins og áður hefur komið fram eru uppi vísbendingar um að fjölskyldunni hafi verið ráðlagt að halda því fram að drengurinn sé trans til að setja meiri þunga í hælisumsóknina. Eftir heimildum skinna.is koma þær ráðleggingar frá NO BORDERS samtökunum en það skal tekið fram að ekki hefur tekist að fá þessa ábendingu staðfesta. Skinna.is hefur sent Útlendingastofnun fyrirspurn um hvort stofnunin hafi fengið veður af þessum áhyggjum eða hvort stofnunin hafi staðfestingu á að drengurinn sé í raun trans eins og aðrir hafa haldið fram.
Enn ein ósannindin leiðrétt af Útlendingastofnun – lögfræðingur þeirra segir ósatt?
Í kvöld birtir visir.is umfjöllun um málið og þar kemur fram að Wilson lögfræðingur fjölskyldunnar virðist tala gegn betri vitund þegar hún heldur því fram að Útlendingastofnun hafi ekki reynt að eiga viðtal við drenginn.
Foreldrarnir banna að talað sé við drengin – Af hverju?
Sannleikurinn er sá að foreldrar barnsins hafa bannað að við hann sé talað. Lögfræðingur fjölskyldunnar hefur lagt sig mjög fram um að kasta rýrð á störf Útlendingastofnunnar meðal annars með því að segja að aldrei hafi verið reynt að tala við drenginn og að hann „fékk aldrei að tjá sig um málið, ekki neitt.“ Skýringin er eins og áður segir að foreldrarnir leggjast eindregið gegn því og því hafa efasemdir risið hjá stjórnvöldum um hvort að drengurinn sé með í ráðum eða sé samþykkur málatilbúnaðinum.
Portúgal er ekki að fara að senda fjölskylduna úr landi
Útlendingastofnun hefur ítrekað í tilkynningu að fjölskyldunni standi til boða full þjónusta í Portúgal, þau hafi fengið vegabréfsáritun inn á Schengen og ekki sé neitt í kortunum sem bendi til þess að þau verði send frá Portúgal til Írans. Málið allt virðist því bera keim af því að hugsanlega sé verið að blekkja hérlend yfirvöld og almenning með fullyrðingum sem eiga sér ekki stoð í raunveruleikanum en muni vekja nógu mikla samúð með fólkinu og þannig þvinga stjórnvöld, enn eina ferðina, til að taka geðþóttaákvörðun í málinu umfram sett lög og reglur og mismuna þar með öðrum hælisleitendum. Dómsmálaráherra hefur hinsvegar haldið því ákveðið fram að hún muni ekki taka fram fyrir hendur undirstofnana í þessu máli og taka geðþóttaákvörðun í málinu. Það komi ekki til greina, segir hún.
