Fuglaflensa stingur sér niður í Danmörku: Útflutningur á kjúkling og eggjum áfram heimilaður til landa ESB og EES

Sýni frá Statens Serum Institut sýna að kjúklinga eldi nálægt Randers hefur fengið smitandi fuglaflensu H5N8.

Afleiðingin er sú að allur útflutningur á eggjum, alifuglum og alifuglaafurðum til ákveðinna markaða utan ESB mun stöðvast í að minnsta kosti þrjá mánuði. Útflutningur til ESB landa getur haldið áfram eins og venjulega. Ísland er á innri markaði ESB vegna EES, svo útflutningur á hugsanlega smituðum kjúkling og eggjum er áfram heimilaður hingað til lands.

Niðurstaðan er áfall fyrir kjúklingabændur í Danmörku og kemur eftir að fuglaflensa hefur fundist í villtum dýrum á ýmsum stöðum á Jótlandi.

Danska dýralæknis- og matvælastofnunin, í samvinnu við dönsku neyðarstjórnunarstofnunina, mun sjá um að slátra kjúklingunum síðar í vikunni.

– Við drepum smitaða hjörð til að koma í veg fyrir smit og hvetjum alifuglabændur um allt land til að gera allar nauðsynlegar varúðarráðstafanir, segir John Larsen dýralæknir.

Danska ríkisútvarpið greinir frá.

MEST LESIÐ

AÐRAR FRÉTTIR