Íslenskir garðyrkjubændur hafa verið varaðir við nýlegum plöntusjúkdómi sem hefur greinst í nokkrum löndum Evrópusambandsins.
Vírusinn leggst aðallega á tómat og papriku og lýsir sér í því að ávextirnir fá lýti, eins og til dæmis mar eða gular og brúnar skellur.
Vírusinn dreifist með snertismiti frá samgangi, fatnaði, verkfærum og öðru sem kemst í beina snetringu við plöntur.
Matvælastofnun biður bændur um að hafa strax samband ef þeir verða varir við smit hér á landi.
Bændablaðið greinir frá.
