Staðfest hefur verið að veira sem fannst í minkum á minkabúi í Hjørring í Danmörkku hefur borist í menn. Reyndar er ekki búið að slá föstu hver smitaði hvern fyrst. Hvort veiran barst fyrst í mink frá mönnum eða öfugt. En fréttirnar valda mönnum áhyggjum og heilabrotum.
Minkum búsins hefur verið slátrað og hræunum verð fargað á öruggan hátt, samtals um 10.000 til 11.000 minkum.
Heilbrigðisyfirvöld hafa staðfest með rannsóknum að það er sama stökkbreytta afbrigðið af veirunni sem finnt í mönnum og dýrum sem smitast hafa á svæðinu.
41 smit á elliheimili
Á föstudagsmorgun var staðfest að 29 starfsmenn á elliheimilinu Vendelbocenteret eru smitaðir af kórónaveirunni. Þar fyrir utan eru 12 heimilismenn smitaðir. Einnig hefur verið staðfest smit hjá nemendum í þremur mismunandi skólum í sveitarfélaginu.
Til stendur að athuga hvernig ástandið er á nærliggjandi minkabúum. Einnig er í undirbúningi að skima fleira fólk og er verið að rekja hugsanlegar smitleiðir innan sveitarfélagsins. DR greinir frá.
