Hvað ef Joe Biden neitar að viðurkenna úrslit forsetakosningana?

Fram hefur komið í fjölmiðlum vestra að forsetaframboð Joe Bidens og Donalds Trumps safnar nú að sér liði lögfræðinga vegna þeirrar lagaflækju sem gæti orðið að loknum kosningunum í nóvember. Allt stefnir í að kosningaúrslitin verði ekki ljós á kosninganótt, jafnvel ekki vikum saman, vegna sögulegs fjölda póstatkvæða sem demókratar vilja vegna kórónuveirufaraldursins.

Sumir stuðningsmenn og samtök sem styðja Demókrataflokkinn hafa þegar gefið fyrirheit um hvað þau ætli að gera. Ætlunin er að þeysast út á götur enn á ný og stofna til mótmæla og óeirða. Antifa og Black Live Matter (BLM), sem eru bæði öfga vinstrisamtök, eru sögð í startholunum að ,,gera allt vitlaust“ ef kosningaúrslitin verði ekki hagstæð.

Jafnvel framámenn innan Demókrataflokksins, þar á meðal varaforsetaefnið Kamala Harris, hafa gefið það í skyn að átök gætu brotist út. Hún sjálf býðst við að stjórna landinu, ekki Joe Biden, því að hún kallar hugsanlega ríkisstjórn Demókrata Harris-Biden stjórn og Joe Biden Bandaríkjaforseti, en ekki öfugt eins og venjan er. Joe Biden virðist vera alveg saman þótt hún taki við stjórnvölinn og kynnir framboðið sem Harris-Biden stjórn eins og sjá má á kynningarspjaldi sem er fyrir aftan forsetaframbjóðandann.

Miklar áhyggjur eru innan raða Demókrata vegna stöðugra mismæla Joe Bidens, þau fáu skipti sem hann kemur fram, og þrátt fyrir að hann notar textavél og hefur minnisblað við hendi, bæði við ræðuhöld eða tekur ,,óundirbúnar“ fyrirspurnir, þá eru ummæli hans mörg hver pínleg.

Í þessu myndbandi má sjá úrval mismæla, lýgi eða ýkjur Joe Bidens, sem sumir vilja nú tengja við elliglöp: https://www.youtube.com/watch?v=r9Laca_7Jgk

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Aðrar fréttir