Hrækti á starfsmann verslunar og réðist á lögreglumenn eftir ágreining um grímuskyldu

Á sunnudagsmorgun neitaði fertugur maður að setja á sig andlitsgrímu í verslun Rema 1000 í Sunds nálægt Herning í Danmörku.

Þegar starfsmaður áminnti manninn fyrir að vera ekki með grímu, hrækti hann í andlitið á honum, segir yfirmaður lögreglunnar í Mið- og Vestur-Jótlandi.

Lögregla fann manninn á heimilisfangi hans. Þegar lögreglan var að ræða við manninn tókst honum að hrifsa af einum lögreglumanninum kylfu, sem hann lamdi lögreglumanninn í höfuðið með. Fleiri lögreglumenn voru kallaðir til og handtóku  manninn án frekari vandræða.

Þetta er ekki fyrsta eða eina dæmið í Evrópu um að fólk missi stjórn á sér fyrir það eitt að vera beðið um að virða reglur og bera grímu fyrir vitum vegna kóvid.

Í Frakklandi var strætóbílstjóri myrtur síðasta sumar eftir að hafa beðið farþega um að setja upp grímu ef hann ætlaði að ferðast með vagninum.

Share on facebook
Share on twitter
Share on linkedin
Share on telegram

AÐRAR FRÉTTIR