Þrír menn eru í haldi lögreglu eftir slysið á kláfferju sem varð 14 manns að bana á sunnudag.
Frá þessu greinir ítalska fréttastofan Ansa samkvæmt Ritzau.
Samkvæmt saksóknara eiga þremenningarnir – verkfræðingur kláfferjunnar, framkvæmdastjóri og rekstrarstjóri – yfir höfði sér ákæru um meðal annars manndráp af gáleysi.
Saksóknari tekur einnig fram að samkvæmt rannsóknaraðilum hafi verið átt við öryggishemlakerfi til að forðast tafir á kláfnum.
Slysið varð þegar kapall slitnaði og kláfurinn datt niður í dal. Aðeins fimm ára ísraelskur drengur lifði fallið af.
