RÚV-arar geta ekki á sér heilum tekið þessa dagana vegna myndbands sem Samherji gerði um fréttaflutning RÚV af framferði Samherja í Namibíu.
Það kemur vel á vondan að fréttamenn RÚV finnist sem vegið sé af æru sinni og fá þeir að finna fyrir eigin meðali. Framferði fréttamanna RÚV í fréttaskýringum, fréttum og viðtalsþáttum hefur marg oft verið líkt við aðför að æru fólks.
Nú grenjar þetta fólk og hefur uppi heitstrenginar um að illa sé farið með sig og kallar eftir sanngirni og réttlæti og að það sé lágkúrulegt þegar vegið sé að þeirra eigin æru.
En það er lítið eftir af æru fréttastofu RÚV og margir láta sér fátt um finnast um tal þeirra um sóma og æru.
Stofnunin RÚV er löngu orðið spillingarbæli. Þar ræður klíka ferðinni og allt undan hvort öðru. Það er löngu tímabært að stokka rækilega upp þar innan húss en íslenskir stjórnmálamenn eru svo miklar bleyður að þeir virðast ekki leggja í að stokka upp eða leggja þetta svarthol íslenskra skattgreiðenda niður.
Þeir eru kannski hræddir við að fá þannig umfjöllun frá RÚV klíkunni að þeir missi æruna?
