Danskir hlutabréfaeigendur eru uggandi eftir mikið hrun C25 hlutabréfavísitölunnar í dag.
Þremur tímum eftir að opnað var fyrir viðskipti með bréf í C25 flokknum féll vísitalan um 3,5 prósent miðað síðasta föstudag.
Ef vísitalan réttir síg ekki við á næstu klukkutímum verður þetta mesta fall á hlutabréfum í Danmörku í þrjú ár.
Lækkunina rekja menn beint til Kórónaveirunnar. Fyrirtækjum hefur verið lokað í Kína, kínverskum- sem erlendum fyrirtækjum og framleiðsla er sumstaðar lítil eða engin.
Nú velta menn vöngum yfir hvort þetta sé byrjunin á allsherjarhruni hlutabréfa út um allan heim og spurningin verði bara hversu stórt það hrun verður.
