Það hafa verið slæmir dagar fyrir Pírata undanfarið. Þeir eru greinilega mjög geðvondir og pirraðir. Reyndar virðast þeir alltaf mjög geðvondir og pirraðir. Þegar Píratar verða extra pirraðir og geðvondir er ekki von á góðu. Þeir missa alveg stjórn á sér. Fara að tala um rassgöt í pontu þingsins og Trump á fésbókinni. Eða hlaupa grenjandi út fundarherbergjum þingsins og segja af sér formennsku í nefndum og hrópa að engin taki mark á þeim.
Er það nema von að engin taki mark á svona fólki? Það virðist meira og minna í andlegu áfalli eða geðrofi í hvert sinn sem það tjáir sig í fjölmiðlum eða annarstaðar. Píratar tala mikið um virðingu fyrir öðrum og öðrum skoðunum. Nema auðvitað ef rök fyrir öðrum skoðunum eru „dregin út úr rassgatinu á sér,“ eins og geðillur þingmaður Pírata orði það úr pontu Alþingis um skoðun annars þingmanns sem var á öndverðu meiði við Píratann.
Nú, svo eru menn Trumpistar og „dæmalausir vitleysingar og hrottar,“ ef þeir ákveða að nota lýðræðislegan rétt sinn til að bjóða sig fram til forseta. Þeir sem boða þjóðaratkvæðagreiðslur og lofa að hjóla í elítu þessa lands eru hættulegir þegar allt kemur til alls að mati Pírata.
Ef svona orðalag dugar ekki til að fá athygli þá er hlaupið grenjandi út úr fundarherbergjum. Manneskja sem hefur fengið á sig álit fyrir að hafa brotið siðareglur Alþingis er nefnilega svo dönnuð að hún getur ekki verið formaður fyrir nefnd sem hún ætlar að misnota til að koma höggi á pólitískan andstæðing. Það er að hennar mati siðleysi og ofbeldi, þöggun og kúgun. Þeir þekkja nefnilega vel Píratarnir þessar aðferðir. Og þeir kunna ekki við það þegar aðrir svína á rétti þeirra til að svína á rétti annarra. Hvað þá að menn gerast orðljótir og draga rök fyrir sínum málstað út úr rassgatinu á sér.Píratar eru pirraðir og geðvondir þessa dagana því þeim finnst skítalykt á þingi. Sem ef til vill kemur beint út úr þeirra eigin þingflokksherbergi?
