Umdeildar skipulagsbreytingar í Hamraborg kynntar íbúum í Kópavogi á streymisfundi

Fyrirhugaðar skipulagsbreytingar í Hamraborg í Kópavogi verða kynntar íbúum núna á fimmtudaginn á fundi sem streymt verður á netinu.

Tillögurnar eru umdeildar og hefur hópur íbúa stofnað baráttusamtök gegn breytingunum á facebook, undir heitinu Vinir Hamraborgar.

Í tilkynningu frá Kópavogsbæ er tekið fram að hægt sé að senda inn fyrirspurnir meðan á fundinum stendur.

Kynning bæjarins á fundinum:

Kynningarfundur um skipulagsbreytingar á Hamraborg – miðbæ, Fannborgarreit og Traðarreit vestur, verður haldinn fimmtudaginn 14.janúar næstkomandi milli 16.30 og 18.00.

Fundurinn verður í beinu streymi sem um vef Kópavogsbæjar. Þá verður upptaka af fundinum aðgengileg á vefsíðu bæjarins og kynningarefni sömuleiðis að loknum fundi.

Á meðan á fundi stendur verður hægt að senda fyrirspurnir til starfsmanna skipulags- og byggingardeildar á tölvupóstfangið skipulag@kopavogur.is og verður þeim svarað eftir föngum.

Vakin er athygli á því að athugasemdir og ábendingar skulu hafa borist skriflega til skipulags- og byggingardeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 þriðjudaginn 2. mars 2021.

Tillögur að breyttu skipulagi Hamraborgarsvæðis eru aðgengilegar á vef Kópavogsbæjar.

Share on facebook
Share on twitter
Share on linkedin
Share on telegram

Aðrar Fréttir