Aðilar í danskri ferðaþjónustu geta vart beðið eftir næsta mánudegi því þá verða landamærinn að Þýskalandi opnuð upp á gátt og von er á fjölda þýskra ferðamanna strax eftir miðnætti þann dag.
Félag um útleigu á sumarhúsum í danmörku greinir frá því að von sé á allt að 14.000 þýskum ferðamönnum sem munu fara rakleiðis í sumarhús sem þeir hafa tekið á leigu í danmörku í sumarfríinu sínu.
Langflestir hafa bókað sumarhús á Jótlandi og mest í Suður-Jótlandi eða um 5.300.
Á eyjunni Fanø er vitað að 400 þýskir ferðamenn munu koma á mánudeginum og slær það öll met hingað til. Fyrirtækið Danibo hefur umsjón með sumarhúsum sem leigð eru út á eyjunni og sjá þeir sér ekki annað fært en að opna móttökuna og skrifstofu sína á eyjunni klukkan 5 um morguninn til að afhenta lykla að sumarhúsunum.
Ferðamönnunum þýsku fylgja margföldunaráhrif því verslanir, veitingastaðir og söluturnar í sumarhúsabyggðum Danmerkur munu einnig opna.
