Í kjölfar morðsins á kennaranum í Frakklandi leggja sænskir kennarar nú áherslu á mikilvægi tjáningarfrelsis í kennslu. Á sama tíma eru nokkrar áhyggjur af því að svipaður atburður geti einnig átt sér stað í Svíþjóð.
– Það er ekki spurning um hvort heldur hvenær, segir Olof Linton kennari.
Franski kennarinn Samuel Paty var myrtur á föstudag eftir að hafa sýnt skopmynd af Múhameð í kennslustund um málfrelsi.
Verknaðurinn hefur verið fordæmdur um allan heim og í Svíþjóð syrgir kennarasamfélagið látinn kollega sinn.
– Þetta er hræðilegt á allan hátt. Samstarfsmaður þurfti að borga með lífi sínu á hræðilegan hátt þegar hann vann vinnuna sína. Maður verður dolfallinn, segir Olof Linton, menntaskólakennari við Östra Real í Stokkhólmi.
Hann telur að verknaðurinn, sem hann lýsir sem árás á tjáningarfrelsi og lýðræðislegt samfélag, hafi getað átt sér stað hvar sem er í Evrópu. Einnig í Svíþjóð.
– Ég held því miður að þetta sé eitthvað sem við verðum að líta á sem raunverulega hættu jafnvel í sænskum skólum og samhengi. Þá geta árásirnar komið frá íslamistum. En við verðum að vera viðbúin því að það geti gerst. Það er ekki spurning um hvort heldur hvenær, segir hann.
“Getum ekki beygt okkur”
Samkvæmt Olof Linton – sem nú kallar eftir skýri merki frá bæði stjórnvöldum, skólum og samfélaginu almennt – er það eðlilegur hluti kennslunnar að taka á umdeildum efnum, sem geta einnig falið í sér birtingu móðgandi efnis.
– Í þeim tilfellum vara ég alltaf við því að það geti verið upplifun sem er mjög óþægileg. Flestir kennarar eru færir um að ráða við þær umræður við nemendur. En það er mjög mikilvægt sem kennari að hafa þetta í kennslunni. Við getum ekki beygt okkur fyrir öfgakenndum og bókstafstrúuðum kenningum, segir hann.
Af fréttamiðlum í Evrópu má ráða að svo virðist sem að kennarar í allri Evrópu séu staðráðnir í að halda uppi merki franska kennarans og efna til umræðna um Múhameð, sýna myndir af honum og hvetja nemendur til að hugleiða tilgang lýðræðis og málfrelsis.
