Svo virðist sem múslímar í moskunni í Öskjuhlíð séu mjög sáttir við Íslensku þjóðfylkinguna. En eins og flestir vita þá er það á stefnuskrá Þjóðfylkingarinnar að banna moskur á Íslandi og kóranskóla eins og rekinn er í moskunni.
Það gætu ýmsir ályktað að múslímar séu bara dús við stefnumál Þjóðfylkingarinnar, þeir sem eiga leið framhjá moskunni í Öskjuhlíð, því eins og myndin sýnir þá virðist logo Þjóðfylkingarinnar prýða járnturninn sem komið hefur verið upp við inngang moskunnar. Íslenski fáninn með sinn kristna kross í miðjunni og Ísland allt umleikis.
Þetta eru reyndar ekki nýjar fréttir því um þetta hefur verið fjallað á síðunni grandmosque-iceland.is með fyrirsögninni „Bænaturninn sem Íslenska þjóðfylkingin vildi banna ber nú merki þeirra,“ og er þar vitnað í viðtal við Karim Askari sem fer fyrir moskunni í Öskjuhlíð. Þar segir að hann hafi ekki vitað að myndin væri merki Íslensku þjóðfylkingarinnar. Þeir hafi bara farið á netið og valið fallega mynd af Íslandi og íslenska fánanum.
