Tugir manna hafa verið settir í varðhald nú þegar fjöldi mótmæla hefst víðsvegar um Rússland til stuðnings Alexei Navalny, stjórnmálamanni í fangelsi.
Lögregla hefur leyst upp mótmæli í austurhluta Khabarovsk-héraðs, í ljósi strangra viðvarana til fólks um að vera heima.
Nokkrir nánustu aðstoðarmenn Navalny, þar á meðal talsmaður og einn af lögmönnum hans, voru handteknir í aðdraganda mótmælanna í dag.
Navalny er mest áberandi gagnrýnandi Vladimírs Pútíns.
Stuðningsmenn hans flæddu um samfélagsmiðla með hvatningum um mótmæli sem búist er við síðar í dag í allt að 60 rússneskum borgum.
Hann var handtekinn síðastliðinn sunnudag eftir að hann flaug aftur til Moskvu frá Berlín, þar sem hann hafði verið að jafna sig eftir nær banvæna árás með taugaeitri í Rússlandi í ágúst síðastliðnum.
Þegar hann kom aftur var hann strax tekinn í gæsluvarðhald og fundinn sekur um brot á skilorði. Hann segir að þetta sé upplogið mál sem ætlað er að þagga niður í honum og hvatti stuðningsmenn sína til að mótmæla.
