Læknarnir á Sahlgrenskasjúkrahúsinu í Svíþjóð eru stoltir af því að vera þeir fyrstu á Norðurlöndum með tvöfalda handaígræðslu.
– Að hafa tvær hendur sem ég get hreyft aftur er yndisleg tilfinning, segir kvenkyns sjúklingur í tilkynningu frá Sahlgrenska sjúkrahúsinu í Svíþjóð.
Kona sem missti báðar hendur sínar í alvarlegri sýkingu fór nýlega í tvöfalda ígræðslu á Sahlgrenskasjúkrahúsinu í Gautaborg. Aðgerð sem kallaði á langan undirbúning og mikla fjármuni.
– Við störfuðum í átján klukkustundir og bjuggum okkur undir aðgerðina í sjö til átta ár. Við vorum fimmtán skurðlæknar sem áttum hlut að máli, segir Paolo Sassu handlæknir, sem stýrði læknateyminu.
Undirbúningur aðgerðarinnar hefur falist í þjálfun með aðstoð svokallaðs „aukins veruleika“, augmented reality, sem var unnin í samvinnu við tækniháskólann Chalmers. Þar hefur sjúklingurinn þjálfað heilann í því að geta notað og fundið fyrir nýjum höndum sínum.
Gat kreppt fingurna næsta dag
Þegar daginn eftir aðgerðina gat sjúklingurinn kreppt alla fingur nýju handanna. Nú fylgir hörð þjálfun til frekari hreyfanleika og virkni.
– Að hafa tvær hendur sem ég get hreyft er yndisleg tilfinning. Þetta er mikill munur frá gervilimunum sem ég hafði áður. Ég er alveg sátt með þessar mjög fallegu hendur, segir sjúklingurinn í tilkynningunni Sahlgrenskasjúkrahúsinu.
