Íbúar í milljón manna borginni Tonghua í norðaustur Kína kvarta á samfélagsmiðlum um að skortur sé á mat og lyfjum meðan á mikilli lokun stendur sem tók gildi 18. janúar.
Vegna vaxandi smits er nú útgöngubann á meðan öll flugumferð og almenningssamgöngur eru í kyrrstöðu.
Borgarar verða að panta allar vörur sínar á netinu og láta afhenda þær heim til sín.
En samkvæmt CNN hafa margir skrifað á kínverska samfélagsmiðla að skortur sé á matvælum, lyfjum og mjólkurdufti fyrir ungabörn.
Kvartanirnar hafa orðið til þess að sveitarstjórn hefur beðist afsökunar á skortinum.
