Mikill jarðskjálfti reið yfir Tævan í dag, sunnudag. Upptök skjálftans eru um 23 kílómetra suður af austurhluta Yilan og hefur skjálftans orðið vart víða um land.
Að sögn Jarðfræðistofnunar Bandaríkjanna, USGS, mældist skjálftinn 6,2 á Richter.
Fólk hefur sést hlaupa út á götur vegna þess að byggingar hafa sveiflast kröftuglega til, en enn sem komið er eru engar fregnir af alvarlegum áverkum eða meiriháttar meiðslum.
Tævan er svæði þar sem oft verða jarðskjálftar, þar sem tveir af jarðvegsflekum jarðar rekast á. Þannig varð eyjaríkið einnig fyrir jarðskjálfta fyrir viku.
