Eftir deilur um hugsanlegan landsdóm gegn Støjberg lætur hún nú af störfum sem varaformaður Venstre.
Valdabaráttunni í Venstre er lokið.
Inger Støjberg tilkynnir að hún láti af störfum sem varaformaður Venstre að beiðni formannsins Jakob Ellemann-Jensen.
– Jakob Ellemann hefur í dag beðið mig um að hætta sem varaformaður Venstre. Mér skilst að þetta sé að hluta til vegna skorts á trausti hans á línu minni í fjölda pólitískra mála.
– Fjöldi fulltrúa í framkvæmdanefndinni lagði til að ég færi í leyfi, en það var bráðnauðsynlegt fyrir Jakob að ég segði alfarið af mér sem varaformaður nú.
– Það kemur á óvart að því hafi lokið hér og að Jakob hafi beðið mig um að hætta sem varaformaður. Ég hefði viljað sjá það öðruvísi. En svona er það, skrifar hún á Facebook.
Afsögnin fylgir í kjölfar hlutaskýrslu nefndar sem birt var fyrir jólafrí.
Samkvæmt henni voru fyrirmæli Inger Støjberg sem utanríkisráðherra um að aðskilja ung hælispör árið 2016 ólögleg.
En átökin á milli þeirra brutust út þegar Jakob Ellemann-Jensen sagði á sunnudag við Jyllands-Posten að Venstre myndi styðja landsdómsmál gegn Inger Støjberg ef óháðu lögfræðingarnir sem ætlað er að leggja mat á hlutaskýrslu rannsóknarnefndar sem fór yfir málið, telji að grundvöllur sé fyrir því.
Daginn eftir skrifaði Inger Støjberg á Facebook að hún væri „mjög hissa“ á tilkynningu formanns síns.
Þetta varð til þess að nokkrir borgarstjórar flokksins hvöttu hana til að segja af sér þar til mál um landsdóm væru leyst, til að forðast ofsafenginn ágreining innan flokksins.
Málið gengur út á að Inger Støjberg sem ráðherra innflytjendamála gaf út reglugerð um að aðskilja eldri menn og stúlkur undir lögræðisaldri, hælisleitendur frá löndum múslima, sem sögð voru gift. Þetta sagðist hún gera til að reyna að standa gegn mansali og þvinguðum hjónaböndum enda slíkt ólöglegt í Danmörku. Þessi ákvörðun hennar var sögð ólögleg af nefnd danska þingsins sem fjallaði um málið.
