Demókratar ógn við lýðræðið

Demókratar í örvæntingu sinni hafa leikið ljótan leik margoft síðastliðin fjögur ár til að komast til valda á ný.  Þeir hafa reynst vera ógn við lýðræðið í Bandaríkjunum.

Tókum nokkur dæmi af ótal mörgum og beinum sjónum okkar að Bandaríkjaþingi, hornstein lýðræðis í Bandaríkjunum. Þeir vilja afnema þá reglu að mikill meirihluti sé á bakvið meiriháttar ákvörðunum í Öldungadeildinni sem kallast ,,pilibuster“ á ensku.  Þessi leið hefur tryggt pólitískan stöðugleika í áratugi.

Nú þegar demókratar sjá fram á að íhaldssamir hæstaréttardómarar fari úr fimm í sex með vali Donalds Trumps í stöðu Ruth Bader Ginsburg sem lést um daginn, hafa þeir hótað yfirfylla hæstaréttadómstólinn og fjölga þeim úr níu í fimmtán eða jafnvel fleiri.

Demókratar hóta því núna, að næst þegar þeir fái meirihluta í Öldungadeildinni, muni þeir fjölga ríkjum Bandaríkjanna úr fimmtíu í fimmtíu og tvö og fjölga þannig Öldungadeildaþingmönnum um fjóra. Ríkin sem bætt yrðu við, eru Washington DC og Púrtó Rikó en fyrrnefnda er höfuðborg landsins en síðarnefnda er sjálfstjórnarsvæði undir stjórn Bandaríkjanna. Bæði svæðin eru yfirlýst demókratasvæði. Þannig á að ná varanlegu valdi á Öldungadeildinni.

Demókratar eru æstir í að halda póstkosningar en repúblikanar halda því fram þessi leið geti leitt til kosningasvindls og úrslit forsetakosninganna gæti dregist vikun saman.

Demókratar hafa ekki hikað við að taka borgaraleg réttindi af einstaklingum undir yfirskyni sóttvarna. Einstaklingar í ríkjum undir stjórn demókrata hafa verið sviptir ferðafrelsi, fundafrelsi og frelsi til athafna (fyrirtækjarekstur), allt í nafni sóttvarna. Börnin fá ekki að fara í skólann og ætla demókratar að halda þessu til streitu þar til yfir kosningar og þá opna skóla.

Demókratar hafa reynst vera ógn við lög og reglu, en borgarstjórar og ríkisstjórar demókrata hafa neitað aðstoð alríkisstjórnarinnar við berja niður óreiðir og skrílslæti anarkista og andlýðræðissinna síðastliðna mánuði.

Demókratar sóttu sitjandi forseta til saka fyrir meint embættisafglöp á hæpnum forsendum. Þó að kröfur hafi verið gerðar um ákæru á hendur flestra forseta, hafa aðeins þrír – Andrew Johnson árið 1868, Bill Clinton árið 1999 og Donald Trump árið 2019 – verið raunverulega ákærðir. Allir þrír voru sýknaðir af öldungadeild Bandaríkjaþings og ekki vikið úr embætti. Richard Nixon lét af embætti, áður en til ákæru kom. Donald Trump var ákærður fyrir lítilsháttar mál en það kom upp eftir að uppljóstrari fullyrti að Donald Trump kunni að hafa misnotað vald forsetaembættisins í símtali við forseta Úkraníu. Donald Trump birti þá símtalið í afriti og ljóst var að málið var á sandi byggt og runnið undan rifjum demókrata. Þetta var mikill álitshnekkir fyrir orðstír demókrata.

Demókrataflokkurinn er orðinn óþekkjanlegur frá þeim flokki sem var undir stjórn Bill Clintons sem þótti vera meira til miðju en öfga vinstri. Repúblikanar hafa ekki breytt stefnu sinni á sama tíma. Valkosturinn er auðljós og aldrei verið skýrari í forsetakosningunum, vinstri öfgastefna eða hófsöm hægri stefna. Hvaða stefnu taka Bandaríkjamenn? Ef vinstri vinnur, þá má búast við róttæka stefnubreytingu á öllum sviðum þjóðfélagsins í Bandaríkjunum.

Share on facebook
Facebook
Share on google
Google+
Share on twitter
Twitter
Share on linkedin
LinkedIn

Aðrar fréttir