Barein samþykkir að koma á eðlilegum samskiptum við Ísrael, samkvæmt tilkynningu Donalds Trumps

Konungur Barein ítrekar nauðsyn friðar sem byggist á tveggja ríkja lausn eftir að hafa gengið til samninga við Ísrael. Barein hefur gengið til liðs við Sameinuðu arabísku furstadæmin í því að ná samkomulagi um að koma á eðlilegum samskiptum við Ísrael, sagði Donald Trump forseti á föstudag, stórkostleg aðgerð sem miðar að því að draga úr spennu í Miðausturlöndum. Trump tísti fréttinni eftir að hann talaði símleiðis við bæði Hamad bin Isa Al Khalifa, konung Barein, og Benjamin Netanyahu, forsætisráðherra Ísraels, að því er Hvíta húsið sagði.

Tíst Bandaríkjaforseta:

    Joint Statement of the United States, the Kingdom of Bahrain, and the State of Israel pic.twitter.com/xMquRkGtpM

    — Donald J. Trump (@realDonaldTrump) September 11, 2020

Trump tísti einnig eftirfarandi: “Another HISTORIC breakthrough today! Our two GREAT friends Israel and the Kingdom of Bahrain agree to a Peace Deal – the second Arab country to make peace with Israel in 30 days!”

Sem útleggst í lauslegri þýðingu: ,,Enn ein söguleg bylting í dag! Tveir FRÁBÆRIR vinir okkar Ísrael og konungsríkið Barein samþykkja friðarsamning – annað arabíska ríkið sem gerir frið við Ísrael á 30 dögum!”

Enn fremur kemur fram í sameiginlegri yfirlýsing þessara þriggja ríkja: „Þetta er söguleg bylting sem leiðir til frekari friðar í Miðausturlöndum,“ Ennfremur „Að opna beina umræðu og tengsl milli þessara tveggja kraftmiklu samfélaga og þróaðra hagkerfa mun halda áfram jákvæðum umbreytingum Miðausturlanda og auka stöðugleika, öryggi og velmegun á svæðinu,“

Netanyahu sagði að samkomulagið markaði „nýtt tímabil friðar“.

„Í mörg löng ár fjárfestum við í friði, og nú mun friður fjárfesta í okkur, koma með sannarlega stórar fjárfestingar í efnahag Ísraels – og það er mjög mikilvægt,“ sagði Netanyahu í myndbandsyfirlýsingu.

Konungur Barein ítrekaði nauðsyn þess að ná sanngjörnum og varanlegum friði milli Ísraelsmanna og Palestínumanna, byggðum á tveggja ríkja lausninni, í símtali við Netanyahu og Trump, að því er BNA ríkisfréttastofa Bareins sagði á föstudag.

Sendiherra Ísraels hjá Sameinuðu þjóðunum, Gilad Erdan, tísti: „Enn einn sögulegur dagur fyrir Ísrael og Arabaheiminn. Til hamingju með forsætisráðherrann @netanyahu, Hamad bin Salman, konungur í Barein, forseta @ RealDonaldTrump, og @jaredkushner með þennan stórkostlega árangur. Við erum að verða vitni að upphafinu að nýtt tímabil í Miðausturlöndum!“

Þess er skemmst að minnast orða álitsgjafa RÚV,  Magnús Þorkells Bernharðsonar, prófessors í sögu Mið-Austurlanda við Williams College, Massachussets, sem gerði lítið úr friðarsamkomulagi Ísraels og Sameinuðu arabísku furstadæmanna sem komið var á dögunum. Annað hvort er maðurinn hlutdrægur eða mat ástandið fyrir botni Miðjarðarhafs rangt . Ef það síðara, ætti RÚV að leita álits hjá ,,öðrum sérfræðingi“. 

Aðrar Fréttir

Share on facebook
Facebook
Share on google
Google+
Share on twitter
Twitter
Share on linkedin
LinkedIn