Stjórnmálin skrifa: Eftir því sem nær dregur kosningum þá færist meira líf í dálkinn stjórnmálin á skinna.is. Það er alveg víst.
Það eru vendingar í prófkjörum og forvölum flokkanna sem margir kjósendur fá óbragð í munninn af en aðrir fá sætu keim. Eflaust fá margir kjósendur vinstri flokkanna óbragð í munninn af gömlum kerlingum sem geta bara ekki hætt á þingi með fullri virðingu fyrir kerlingum almennt eins og til dæmis Gilitrutt og öðrum tröllskessum. Ein slík var valin til að vera í forystusæti fyrir Samfylkinguna í næstu kosningum en ungur eða ekki svo gamall tröll karl var settur á höggstokkinn enda uppvís af pervertisma eftir vínkvöld en þó ekki á Vinbarnum.
Vinstri græn áttu því láni að fagna að gamalli tröllskessu úr þeirra hópi var hafnað í forvali. Sú hélt að hún gæti leikið sama leikinn og þessi í Samfylkingunni. En þar skjátlaðist henni illalega. Eða hvað?
Nú var Kolbeinn Óttarsson Proppé felldur í forvali í Suðurkjördæmi hjá Vinstri grænum en hann ákvað af einhverjum ástæðum að bjóða sig þar fram í forvali frekar en í því kjördæmi sem hann var kosinn á þing síðast, Reykjavík suður.
Stjórnmálin hafa hlerað að Kolbeinn hafi verið vélaður í framboð í Suðurkjördæmi af áhrifa fólki í Vinstri grænum og telja stuðningsmenn hans nú að það hafi verið gert til að reyna að fella hann úr framboði og af þingi. En nú er krókur á móti bragði hjá Kolbeini og stuðningsmönnum hans því nú íhugar hann að bjóða sig fram í forvali flokksins í Reykjavík enda hefur hann tækifæri til þess. En plottið hjá andstæðingum var að hann myndi ekki vilja vera þekktur fyrir að flakka á milli kjördæma í forvali enda gefur hann sjálfur í skyn í viðtali við fjölmiðla að honum hugnist það síður.
Það sem virðist hafa hafst út úr þessu plotti áhrifa fólks innan VG, með blessun ónefnds forseta, er að nú skerpast línur og klofningur.
Því fagnar sérstaklega klíkan í Samfylkingunni því hún telur að sá klofningur sem uppi er innan raða VG muni yfirskyggja þeirra innri málefni og klofning og leggur nú á ráðin hvernig hægt er að fá þá fjölmiðla, þar sem Samfylkingin hefur þræði, til að beina kastljósinu að VG í næstu kosningabaráttu og klofningi og ósætti innan raða VG, frekar en þann sem er í uppsiglingu innan raða Samfylkingarinnar.
Auðvitað gefur Kolbeinn kost á sér aftur til mikillar armæðu fyrir forsetann og formanninn.
