Félagsmálaráðherra Svíþjóðar, Lena Hallengren, hefur farið í viðræður við Dani og Norðmenn um aðstoð við að takast á við kórónaþrýsting á sænsku sjúkrahúsin í sumar, samkvæmt frétt SVT.
Þótt kóróna-sjúklingum fækki á gjörgæsludeildum Svíþjóðar eru enn miklar áhyggjur í heilbrigðiskerfinu af því hvernig leysa eigi starfsmannahald sumarsins.
– Starfsmennirnir sem hafa unnið við umönnun kóvid-19 sjúklinga á gjörgæsludeildum eru uppgefnir, útskýrir David Konrad, yfirmaður skurð- og gjörgæsludeildar Karolinska háskólasjúkrahússins, við SVT.
– Í sumar höfum við alls ekki það starfsfólk sem við þurfum. Þetta verður erfitt, segir hann.
