Bandaríkin hafa mikið verið í fréttum síðastliðið ár og raun síðan Donald Trump tók við embætti Bandaríkjaforseta 2017. Að sama skapi má segja að bandarísk blaðamennska hafi upplifað sitt versta ár 2019 og hún einkennst af af hlutdrægni, hatri og vanhæfni hjá vinstri fjölmiðlum.
Það sama má segja um fréttaflutning íslenskra fjölmiðla um bandarísk málefni. Ástæðan er einföld, þeir lepja upp allan áróðurinn upp eftir fjölmiðla eins og CNN sem eru alrændir andstæðingar ríkisstjórnar Trumps. Ef íslenskir fjölmiðlar myndu horfa aðeins gagnrýnna á fréttirnar sem berast á borð þeirra, stunda örlitla rannsóknarvinnu og hafna mestu vitleysunni, þá myndi birtast önnur mynd af bandarísku þjóðlífi.
Íslenskir fjölmiðlar einblína á innbyrðis átök stjórnmálaelítunnar sem er hatrammari um þessar mundir en þegar horft er á atvinnulífið og aðra þætti bandarísks þjóðlífs, birtist önnur og bjartari mynd. Lítum aðeins á afreksverk ríkisstjórnar Donalds Trumps.
Meira en fimm milljóna starfa sköpuð síðan Trump var kosinn og það á sama tíma og heimurinn upplifir stöðnun og jafnvel samdrátt. Fleiri en nokkrum sinnum fyrr hafa Bandaríkjamenn vinnu í sögu Bandaríkjanna. Meira segja í framleiðsluiðnaðinum, þar sem fyrirtæki eru í óðaönn að rótbótavæða verksmiðjurnar, hafa meira 400 þúsund störf verið sköpuð. Í tíð Obama fækki framleiðslustörfum frá ári til árs. Þetta er mesta aukningin síðastliðna þrjá áratugi. Atvinnuleysið lækkaði og náði 50 ára lágmarki.
Atvinnuleysi meðal minnihlutahópa hefur aldrei verið minna. Hjá svörtum Bandaríkjamönnum, hefur hlutfallið aldrei nokkurn tímann verið svo lág. Það sama má segja um íbúa landsins af rómönskum uppruna, önnur eins gósendtíð ef litið er á atvinnuleysistölur, hefur aldrei hent þá. Þriðji stærsti minnihlutahópurinn, íbúar af asískum uppruna, eru að upplifa það sama og atvinnuleysi meðal þeirra hefur aldrei verið lægra í bandarískri sögu.
Svona mætti lengi telja, til að minna hefur atvinnuleysi meðal kvenna mælst lægst á 65 ára tímabili og sama má segja um atvinnuleysi ungmenna sem hefur ekki verið lægra í hálfa öld. Lægsta atvinnuleysi meðal ófaglægra, meðal uppgjafahermanna sem náði 20 ára lágmarki á þessu ári.
Hagvöxtur síðastliðinn ársfjórðung var 4,2 prósent og sjá má þetta hjá heimilum landsins. Miðgildi heimilistekna hefur náð hæsta stigi sem nokkru sinni hefur mælst. Hægt er að mæla hagvöxtinn á annan hátt og það með að líta á kjör fátækra. Næstum 3.9 milljónir Bandaríkjamanna þurfa ekki lengur að reiða sig á matarmiða sér til framfærslu síðan 2017.
Stærsti skattalækkanapakki í sögunni gerður. Eftir skattalækkanir runnu yfir 300 milljarðar dollara aftur til Bandaríkjanna á fyrsta ársfjórðungi einum og síðan hafa einn trilljarður bandaríkjadollara runnið til baka og aukið velsældina. Sem afleiðing af skattafrumvarpinu munu lítil fyrirtæki hafa lægsta efsta jaðarskatthlutfall í meira en 80 ár.
En það eru einungis skattar sem hrjá rekstur fyrirtækja, heldur reglugerðarfargan. Reglugerðum var fækkað um tvo þriðju, gert til að örva efnahagslífið. Það virðist hafa tekist, því að það hefur aldrei verið eins auðvelt að stofna til fyrirtækjareksturs og um þessar mundir.
Umbætir í heilbrigðiskerfinu með heilsufarsáætlunum og áætlunum til skamms tíma hafa skilað sér og á sviði lyfjaiðnaðar má segja að í síðasta mánuði samþykkti FDA fleiri ódýrari samheitalyf en nokkru sinni fyrr í sögunni.
Umdeildara er, þótt efnahagslega hagkvæmt er, er aukning í orkuútflutningi. Fáir vita að kolaútflutningur hefur aukist um 60% og olíuframleiðsla náði sögulegu hámarki og Bandaríkin eru nettó útflutningsaðili jarðgass í fyrsta skipti síðan 1957.
Þetta mesta herveldi sögunnar, ef tillit er tekið til stærðar, tækni og fjármagns, fékk metupphæð upp á 700 milljarða dala í hernaðarfjármögnun; 716 milljarðar dollara á næsta ári. Bandamenn í Atlantshafsbandalagsins eyða 69 milljörðum dala meira í varnir síðan 2016. Nýjasta útspil Bandríkjastjórnar er stofnun Geimhers.
Á sviði utanríkisviðskipta, þá gekk stjórn Trumps frá sögulegum viðskiptasamningi Bandaríkjanna og Mexíkó í stað NAFTA og fulltrúadeild Bandaríkjaþing hefur þegar samþykkt en viðræður við Kanada eru í gangi. Ríkisstjórn Trumps náði að þvinga Evrópusambandið til samninga til að auka útflutning Bandaríkjanna til aðildarríkja bandalagsins.
Mest áberandi hefur verið viðskiptastríð Bandaríkjanna og Kína. Bandaríkjamenn hafa sakað Kínverja um nauðungartækniflutningi til Kína, tækniþjófnaðar og langvarandi misbeiting og óeðlilega viðskiptahætti þeirra. Ofurtollar voru lagðir á kínverskar innflutningsvörur og í þessum töluðum orðum, virðist stefna í samkomulags átt á næsta ári.
Þetta er fátt eitt nefnt sem hefur verið landi og lýð til hags í Bandaríkjunum undir forystu þessa óneitanlega umdeilda forseta. En orðræðan hefur verið á annan veg. Einblínt hefur verið á embættisbrotaákæru á hendur forsetanum og virðst málið í heild sinni vera einn farsi. Annar stjórnmálaflokkur Bandaríkjanna, demókratar, hafa lagt fram vantraust og raun ákæru sem á að leiða til brottvísun úr starfi vegna embættisafglapa. Fyrst var reynt að klína á framboð Donalds Trumps samvinnu þess við Rússa en Mueller skýrslan svonefnda, hreinsaði forsetann af þeim ásökunum.
Ekki tókst að sanna embættisafbrot í fulltrúadeild Bandaríkjaþings, þar sem demókratar einir ákærðu forsetann um brot, en fram voru lögð tvær ákærur fyrir að hann hafi hindrað framgöngu rannsóknar á hans eigin hendur! Málsmeðferðin var öll vilhöll og gegn forsetanum og hefði ekki staðist málsmeðferðar venjulegra réttarhalda. Næsta víst er að öldungadeildin, þar sem repúblikkanar eru í meirihluta, vísi málinu frá. Verst er þetta fyrir lýðræðið í Bandaríkjunum, að fulltrúardeildin geti rekið svona mál gegn þriðja valdinu, framkvæmdarvaldinu, á svona veikum grunni. Máið hefði átt að fá málsmeðferð hjá Hæstarétti Bandaríkjanna en það vildu demókratar ekki. Þetta skapar hættulegt fordæmi og republikkar hóta hefndum þegar þeir komast í meirihluta í fulltrúardeildinni.
