Nýr yfirmaður BBC ætlar að taka alvarlega hlutleysi sem stofnunin og fréttamenn hennar eiga að sýna. Þetta á sérstaklega við um þátttöku í samfélagsumræðunni á netinu að mati Tim Davie, nýja útvarpsstjórans. Hann sagði að hafi fréttamenn stjórnmálaskoðanir skyldu þeir halda þeim fyrir sig. Það væri óskandi að yfirmaður og stjórn RÚV beinu sömu tilmælum til fréttamanna fréttastofu RÚV. Nýlega bárust fréttir af því að fréttamenn RÚV væru sakaðir um að hafa tekið sig saman á netinu gegn Samherja. Samherji hefur af því tilefni lagt fram rökstudda kæru til siðanefndar Ríkisútvarpsins vegna þessa. Nokkur dæmi eru nefnd þar sem nafngreindir fréttamenn og dagskrágerðamaður skjóta upp kollinum samtímis í þjóðfélagsumræðunni á netinu með nánast sömu ummælin um málefni Samherja.
Það er löngu vitað að fréttamenn RÚV hafa tekið stofnunina í gíslingu þar sem þeir leggja áherslu á eigin stjórnmálaskoðanir að mati margra.
Svo er áhorfendum talin trú um að fréttir RÚV og aðrir þættir séu hlutlausir og ekki undir áhrifum pólitískra stjórnmálaskoðana fréttamannsins sjálfs.
RÚV stundar pólitískan áróður fyrir samfélagi hér á landi í samræmi við þeirra pólitísku skoðanir.
17. júní ár hvert hafa hryðjuverkasamtök sem kallast NO BORDERS staðið fyrir andófi gegn fullveldi Íslands. Fréttastofa RÚV hefur verið dugleg í gegnum tíðina að styðja við málflutning þessara samtaka. Svo hörð hefur fréttastofan verið að ef að fréttist af mótmælum við eitthvert ráðuneytið þá hefur það stundum verið fyrsta frétt með beinni útsendingu þar sem er rætt við þann eina sem mætti í mótmælin. Önnur sjónarmið eru hunsuð.
Einn fréttamaður á RÚV virðist líka hafa óbeit á fullveldinu og lætur sig hafa það að hæðast að ráðamönnum þess tíma þegar Ísland fékk fullveldi.
Fullyrti hann að Nasistar hefðu hjálpað sérstaklega til við fullveldistökuna og finnst ekkert að því að nota aðstöðu sína sem þekktur fréttamaður til að reyna að hafa áhrif á aðra í samfélaginu í gegnum samfélagsmiðla um það sé svo.
Hvernig á fólk að trúa því að Helgi Seljan sé faglegur og hlutlaus í fréttaflutningi sínum þegar kemur að umfjöllun um málefni sem tengjast fullveldi og sjálfstæði landsins?
Orðrétt sagði Helgi Seljan á fésinu í tilefni af 17. júní 2013:
„Í dag fagna Íslendingar þeirri djörfung og þeim kjarki sem ráðamenn þjóðarinnar sýndu þegar þeir sóttu endanlegt sjálfstæði sitt með dyggri aðstoð Nasista. Því fagna allir menn.“
