Alnetið virðist um þessar mundir undirlagt hatursáróðri gegn konum í lögreglunni. Svo virðist sem vinstrimenn standi fyrir herferðinni. Skemmst er að minnast mjög ósmekklegrar teikningar sem birtist í Fréttablaðinu af borgarfulltrúa í Reykjavík sem sýndur var með sama höfuðbúnað og settur hefur verið á lögreglukonurnar hér á þessari mynd. Fréttablaðið hefur líka reynt að kynda undir hatursumræðu á hendur einum þingmanna Sjálfstæðisflokksins með sams konar teikningu. Vinstrimenn eru manna duglegastir við að vanda um fyrir öðrum vegna hatursorðræðu og framkomu, að ekki sé talað um ákefð þeirra þegar kemur að tali um kvenfrelsi og femínisma. Píratar hafa ekki dregið af sér í þeirri umræðu og létu framleiða húfur með skammstöfuninni FO (Fokk Ofbeldi). En reyndin virðist vera að þeir eru manna fyrstir til að beita ofbeldi og hatursorðræðu. Ekki virðast fjölmiðlar, þeir sem hafa samúð með öfgavinstrimönnum eins og fréttablaðið og RÚV, heldur draga af sér í umræðum um þessi mál en hegðun þeirra er oft á tíðum á sömu nótum og öfgafullra vinstrimanna eins og Pírata. Ekki er annað að sjá en þessir fjölmiðlar keppist við að magna upp hatursumræðuna gegn konum í lögreglunni en tilgangurinn virðist fyrst og fremst að koma höggi á alla lögreglustéttina og lögregluna sem stofnun. Það er að minsta kosti skoðun ritstjórnar.
Myndin hér að ofan birtist á vef Pírataspjallsins og þeir sem eru á myndinni og sem hatrið beinist að eiga það sameiginlegt að vera allt konur.
Það má líka leiða að því líkum að hegðun vinstrimanna hér á landi líkist meira dag frá degi hegðun sem kennd er við fasisma. Þessi fasismi eða fasíska hugsun birtist ljóslega í teikningunum hér fyrir neðan.
Hugarheimur vinstrimanna á Íslandi er sjúkur og það er hættulegt fyrir þjóðfélagið að þetta fólk komist að stjórnartaumum landsins.
Í því sambandi er nóg að líta til borgarinnar sem er ein rjúkandi rúst og spillingarbæli eftir áralanga stjórn vinstrimanna. Hér fyrir neðan eru teikningar þær sem birtust í Fréttablaðinu. Það verður að segjast að þær eru merkilega líkar þeim sem hefur verið dreift um netið af lögreglukonunum? Eru þetta ef til vill sömu fingraförin?
