Ritstjórnin skrifar: Það hefur lengi verið sérstak undrunarefni hvernig Ríkisútvarpinu hefur liðist að afflytja fréttir eða halda uppi sínum eigin pólitíska áróðri sem að margra mati byggir á persónulegum stjórnmálaskoðunum ritstjórnar RÚV. Á RÚV er rekin heilaþvottastöð gagnvart æsku landsis sem miðast helst að því að dásama opin landamæri, hugmyndafræði sósíalista, alþjóðahyggju og styðja við málflutning öfgaafla vinstramegin á línu stjórnmálana. Ríkisútvarpið hefur verið duglegt að ráðast á og hæða stefnur annarra flokka en Pírata og Samfylkingarinnar. Vinstir græn eru heldur ekki í náðinni þessa dagana vegna stjórnarsamstarfs við Sjálfstæðismenn. Forystumenn og þingmenn þeirra flokka sem verða fyrir aðkasti vinstri elítunar á RÚV hafa hingað til flestir ekki þorað að gera athugasemdir þegar þeir og flokkar þeirra hafa orðið fyrir árás fréttastofu RÚV síðustu ár.
Helst virtist örla á viðbrögðum þegar Sigmundur Davíð og Bjarni Ben voru hæddir og spottaðir í barnatímanum Stundinni okkar og vakti hneygslan fólks, en þá sáu „spaugfuglarnir“ sitt óvænna og báðust afsökunar og bættu við að „það hefði ekki verið ætlunin að særa neinn,“ sem það var auðvitað ætlunin að gera. Það fylgdi ekki sögunni hjá stundarmönnum hvaða erindi pólitísk árás á þessa stjórnmálamenn átti í barnatímann. Í annari heilaþvottastöð æskunnar á RÚV, Krakkafréttum, er farið öðrum höndum um stórnmálamenn. Nefnilega ef þeir eru Píratar eða Samfylkingarmenn. Þá er umfjöllunin á jákvæðum nótum.
En nú er ef til vill að færast þor í suma. RÚV er svarthol þegar kemur að almannafé að mati ritstjórnar. Það sýgur til sín 5 til 7 milljarða á ári. RÚV er spillinarbæli þar sem menn hygla hver öðrum. RÚV gefur skít í lög og reglur sem um það gilda. Þeir hagræða bókhaldinu eins og síðustu fréttir um verktakagreiðslur til eigin starfsmanna sína. Ef að ráðherra sem er yfir þessu spillingarbæli biður um upplýsingar er honum einfaldlega sagt að þegja og hann þegir!
Áslaugu Örnu dómsmálaráðherra virðist loksins vera misboðið og lætur spillingarbælið RÚV heyra það.
Og tilefnið er ekki minna en gagnrýni RÚV á ráðamenn fyrir aðgerðir eða aðgerðaleysi gegn spillingu!
Spillingarbælið RÚV hefur áhyggjur af spillingu í samfélaginu? Nei, auðvitað ekki. Málið er gripið í pólitískum tilgangi af RÚV og kryddað og kokkað eftir pólitískum smekk.
Í Morgunblaðinu síðasta föstudag (20.nóv.) er vonandi að finna forsmekkinn að því að stjórnmálamenn séu að fara að hífa upp um sig buxurnar og huga að uppstokkun í spillingarbælinu RÚV. Vonandi kemst hreyfing á að skera niður við hæfi, taka RÚV af auglýsingamarkaði og afnema nefskattinn.
Í grein Áslaugar er að finna þessi orð: „Greiðendur útvarpsgjaldsins eiga rétt á því að greint sé rétt frá.“
Og seinna í grein hennar setur hún eftirfarandi í gæsalappir sem oft undirstirkar hæðni: …“útvarps allra landsmanna“…
