Innlent | 09.January

Íslenskir vinstrimenn fagna- og hvetja til ofbeldis: Segjast svo hafa verið að grínast

Þó nokkur umræða á sér stað á fésbókarsíðu Íslensku þjóðfylkingarinnar undir færslu þar sem vakin er athygli á ofbeldi sem þýskur þingmaður varð fyrir úr flokki AfD. Flokkur þessi er af vinstrimönnum kallaður öfgaflokkur vegna andstöðu hans við óheft flæði innflytjenda inn í Þýskaland.

Það sem vekur athygli við ummæli við færsluna eru athugasemdir öfgamanna af vinstrivæng stjórnmálana þar sem þeir fagna því að þingmaðurinn hafi verið barin til óbóta og ekki er annað að skilja en þeir fagni að maðurinn skyldi næstum hafa tínt lífinu. Þannig skrifar Sverrir Þór Sigurðarson undir myndina af stórslösuðum manninum: „Flott framtak. Meira svona!“ DV birtir frétt um málið, sem líklega er skrifuð af Bjartmari O.Þ. Alexanderssyni (en fréttin er merkt ritstjórn DV.) sem einnig er þekktur vinstri öfgamaður, þar sem málið er rakið. Í athugasemdakerfi DV heldur umræðan áfram og ekki annað að sjá en vinstrimenn haldi uppteknum hætti og lýsi ánægju sinni með að maðurinn skyldi hafa næstum verið barin til ólífis vegna þátttöku í stjórnmálum og vegna skoðana sinna. Í umfjöllun DV. eru nokkrar augljósar rangfærslur eða þekkingarskortur en þar er Helgi Helgason sagður formaður Þjóðfylkingarinnar en færslan er upphaflega sett inn af honum. Formaður Þjóðfylkingarinnar heitir Guðmundur Karl Þorleifsson. Einnig er gert mikið úr að einherjir kalla eftir því hvort Sverri Þór sé stætt á að vinna áfram sem kennari en þess látið ógetið að Helgi hafnar öllum slíkum hugleiðingum og tekur fram að menn eigi ekki að eiga á hætta atvinnu missi fyrir það eitt að hafa skoðanir.

Í viðtali DV. við Sverrir Þór Sigurðarson dregur hann í land með ofbeldistalið, segist hann bara hafa verið að grínast. Það virðist vera orðin lenska hjá vinstrimönnum að grípa til þess að þeir séu bara að grínast þegar umræðan er orðin þeim í óhag og mætti til þessa nefna Borgarfulltrúann Líf „Ullmann“, eins og gárungarnir nefna hana, eftir að hún játaði að hafa ullað á samstarfsfólk sitt í Borgarstjórn en þegar almenningur var farin að sýna hneykslan í umræðunni sagðist hún bara hafa verið að grínast. En skrif þeirra í athugasemdum varðandi málið eru mjög svo ósmekkleg og jafnvel viðbjóðsleg að margra mati.