Innlent | 07.April

Framboð Íslensku þjóðfylkingarinnar: Vilja frítt í strætó fyrir námsmenn og moskur burt

Íslenska þjóðfylkingin kynnti framboðslista og stefnumál flokksins fyrir komandi borgarstjórnarkosningar á blaðamannafundi í dag. Í stefnu flokksins kemur fram eindregin andstaða við að moskur séu byggðar og hyggst flokkurinn draga til baka lóð undir mosku sem úthlutað hefur verið auk þess að afturkalla allar leyfisveitingar um viðbyggingu á bæna húsi múslíma í Öskjuhlíð. Meðal annars krefst flokkurinn þess að skilti utan á húsinu sem á stendur „Stórmoskan í Reykjavík“ verði fjarlægt. Hér fyrir neðan má sjá fréttatilkynningu sem send var fjölmiðlum.

Fréttatilkynning um framboð Íslensku þjóðfylkingarinnar til borgarstjórnar Reykjavíkur.

Íslenska þjóðfylkingin hélt blaðamannafund í dag laugardag kl. 13. 15 þar sem framboð flokksins í Reykjavík var kynnt.

Formaður flokksins, Guðmundur Karl Þorleifsson, fór yfir helstu stefnumál flokksins og kynnti fólkið í þremur fyrstu sætunum.

Helstu áherslumál flokksins fyrir borgarstjórnarkosningarnar eru að draga til baka lóð undir mosku og allar leyfisveitingar vegna viðbyggingar á bænahúsi múslíma í Öskjuhlíð en þar hefur m.a. verið veitt leyfi fyrir kallturni.

Að öðru leiti í stuttumáli eru helstu stefnumál:

  • - Höfnum þéttingu byggðar á kostnað grænna svæða.
  • - Gerum íbúum kleift að eignast þak yfir höfuðið. Endurvekjum verkamannabústaðakerfið.
  • - Gerum Reykjavík fjölskylduvænni með opnun leikskóla og róluvalla
  • - Gerum Reykjavík fjölskylduvænni með skipulagningu opinna svæða, það eykur lífsgæði borgarbúa.
  • - Íslenska þjóðfylkingin hafnar borgarlínu en vill nýta það fjármagn sem Vegagerðin lætur af hendi rakna til uppbyggingar mislægra gatnamóta, þannig að umferð geti óhindrað farið eftir aðalstofnæðum borgarinnar.
  • - Gjaldfrjálst verði í strætó fyrir alla sem stunda skóla á höfuðborgarsvæðinu, minkum mengun.
  • - Flytjum stofnannir borgarinnar úr miðbænum í úthverfi það er skynsamlegt.
  • - Hreinsum götur reglulega, það minkar svifryk. Heilsuvernd í fyrirrúmi.
  • - Aldraðir eiga skilið áhyggjulaust æfi kvöld, byggjum hjúkrunarheimili og íbúðir fyrir aldraða.
  • - Íslenska þjóðfylkingin hafnar borgarlínu, nýtum fjármuni betur. Búum til mislæg gatnamót svo umferð geti komist óhindrað leiðar sinnar, það minkar mengun.

Formaður flokksins sagði jafnframt að á næstu dögum myndu fleiri framboð líta dagsins ljós sem hefðu í raun enga stefnu aðra en að apa eftir stefnu Íslensku þjóðfylkingarinnar.

Fyrstu þrjú sæti Íslensku þjóðfylkingarinnar eru skipuð þannig:

1. sæti. Guðmundur Karl Þorleifsson, formaður Íslensku þjóðfylkingarinnar.

2. sæti. Hjördís Bech Ásgeirsdóttir, félagsliði.

3. sæti. Jens G. Jensson skipstjóri.

Fjölmiðlar geta fengið nánari upplýsingar hjá 1. manni framboðsins í síma 8987900.