Erlent | 13.October

Blaðamaðurinn tók upp og sendi út morðið á sjálfum sér

Svo virðist sem Sádí-arabíski blaðamaðurinn Jamal Khashoggi hafi tekið upp og sent út morðið á sjálfum sér samkvæmt frétt CNN í dag. Talið er að blaðamaðurinn hafi verið myrtur í sendiskrifstofu Sádí-Arabíu 2. október. Heimildir CNN herma að maðurinn hafi verið með Apple úr á sér sem sendi bæði út hljóð og mynd í síma hans sem kærasta hans var með fyrir utan og einnig fór upptakan í geymslu í skýinu.

Eftir því sem heimildamaður CNN, sem er embættismaður innan tyrkneska stjórnkerfisins segir, þá áttuðu morðingjarnir sig á að Khashoggi væri að taka atburðinn upp og hófust þegar handa við að reyna að komast inn í stýrikerfi úrsins. Eftir nokkra stund og tilraunir með hin ýmsu lykilorð gátu þeir opnað úrið með fingrafari Khashoggis og náðu að eyða einhverjum skjölum en ekki öllum.